CMHK超值80GB储值卡测试：速度足21Mbps、$30蚊就买到抵到烂！
而家慨手机，基本上都有双 SIM 卡设计，所以好多人都会买定一两张储值卡放第二个卡槽度做后备用，或者专用来上网睇片烧 Data 用。上星期我地报导过 CMHK 最近推出咗一张 CP 值超高慨储值卡，呢张卡一上架即时俾人扫晒，今次我地就抢到一张同大家做个测试。
CMHK 今次新推出慨呢张“本地月费储值卡”有唔少吸引之处，首先当然系售价。张卡原价系 $88 包 80GB 4G 本地数据，最高 21Mbps。睇落贵㖞，不过好在而家做紧特价：只需 $60！而由 5 月 11 日至今年年底 12 月 31 日期间更可享“买一送一”优惠，即系平均每张卡只需 $30 喳，真系一个饭盒慨价钱都唔洗就买到张 80GB 慨数据储值卡俾你慢慢烧。
▲ 认住呢张卡：原价 $88 蚊，限时优惠价只需 $60 蚊，期间限定再买一送一，啫平均一张只需 $30 蚊！
▲ 除咗有 30日 80GB 21Mpbs 4G 流动数据，再包埋猫头鹰时段（11PM – 7AM）任用数据、1,000 分钟本地通话以及 10 个本地网内短讯，仲有豁免行政费。
讲返张卡，好多人可能觉得储存卡会唔会特别慢架？而张卡标榜最高速度为 21Mbps 足唔足呢？呢个速度又够唔够大家日常使用呢？我地就来测试一下啦：
▲ 要测试网络速度当然要用最多人跑速慨 SpeedTest 手机 App，Winson 是在自己家中 (大埔区) 进行实测。第一次测试 (上图左)，下载速度为 20.1Mbps，而第二次测试 (上图右)，下载速度更超越了 21Mbps 达到 25.7Mbps。
▲ 再用埋香港通讯管理局出慨 OFCA 网速测试 App，第一次测试下载已经超过了张卡标榜的 21Mbps 速度，下载达 23.0Mbps。第二次测试，下载速度再提升一点点至 23.7Mbps
结论：由两套程式实测可见，张卡慨上网速度足 21Mbps 有凸。不过当然，网络速度快慢受好多因素影响，如果阁下身处一些接收不太好的位置速度就自然会有所影响。不过想讲慨系，经过实测可以肯定呢张卡慨速度绝对无花无假。
▲ 最后测试一下影片播放，喺 YouTube 收睇 Error 慨 I Promise，画质设定至 1080p 全高清。可见 21Mbps 速度对睇片完全可以胜任有余，即使前后拉动快速前进或后退播放都可以即时载入，唔洗等慢慢 Load。
CMHK 呢张“本地月费储值卡”现时已经喺各惠康超市分店上架，大家见到就要快手买啦，听讲非常抢手，好快畀人扫晒。
标签: 资讯头条 kotoo科技资讯 kotoo科技 kotoo科技资讯头条 科技资讯头条 KOTOO商业产经 新闻网 科技新闻网 科技新闻 Kotoo科技新闻网 Kotoo Kotoo科技新闻网 科技新闻 科技新闻网 新闻网 KOTOO商业产经 kotoo科技资讯头条 kotoo科技 kotoo科技资讯 资讯头条 Kotoo Kotoo科技新闻网 科技新闻 新闻网 KOTOO商业产经 科技资讯头条 kotoo科技资讯头条 kotoo科技 kotoo科技资讯 资讯头条
